我在倉敷天陰陰。

如果大家特別鍾情於日本的古建築、江戶時代的老面貌的話，一定會超愛倉敷了。

位於日本岡山縣的倉敷，由大阪站或者廣島站坐JR出發只需一個小時左右，既方便又快捷。

倉敷同輕井澤非常相似，因為它們都是一邊有outlet，另一邊有美景。

那個outlet只需30分鐘就逛完，所以不值得介紹。那小妹就由南口出發，輕鬆行10分鐘去美觀園區了！

沿路都見到好多個性小店：賣杯碟、賣MT膠帶、賣手工藝品、賣玩具、賣甜品，應有盡有。小妹的眼睛真的超級繁忙啊！

行到累就去食碗拉麵啦！今次挑選了總店在小豆島的拉麵店。舖面細細，10位食客全部坐在bar檯，大家都可以觀摩師傅煮麵。

小妹點了每天限量供應的「白壁」。看！勁多蔥啊！作為蔥怪的小妹表示興奮！另外那個湯麵好清甜，下次要去小豆島總店食啊！

食飽飽就出去倉敷川坐艇了！想坐艇的方法非常簡單，就是去觀光案內所check一下隻艇有無位給你坐，有的話就挑選時間（0930-1700，半小時一班），再放下500yen，拿收據，在你預約的時間去船頭集合，禮成！ 

短短20分鐘的體驗蠻正點的。不過如果當日不是天陰陰，小妹又懂日文的話，整個體驗會完全不同啦。由於船夫在船上又唱歌又說笑，乘客又不定期大笑，可能一班日本人在笑小妹不懂日文啦。

啊！還有！始終倉敷是一個古色古香的地方，所以小妹在美觀園區閒逛期間都見到人力車夫載住遊客慢遊古城、又有和服少女拍風格照、當然還有坐著艇拍婚照的準新人啦！

晚上的時候，大部份遊客都離開了，剩下的只有寧靜的倉敷川和充滿古典美的江戶建築，相信一班愛拍照的朋友一定不會錯過拍下美景的機會啦！

一句講哂：一隻艇只可以坐6個乘客同埋企一個船夫，所以想坐艇嘅朋友就要早啲去mark位喇！

其實好多人去倉敷的時候都會順道來一個跳島之旅啊！